As escolas infantís e os centros de ensino non universitario de Lugo rexistran este xoves 104 casos activos de coronavirus, nove máis que no balance anterior, mentres que se manteñen as mesmas seis aulas pechadas na provincia (CEIP Santa María da Fonsagrada, CPR Cervantes, CPR Divina Pastora e o IES Muralla Romana de Lugo, o IES A Pinguela de Monforte e o CPR Landro de Viveiro). Ademais, continúa clausurada a escola infantil Golfiños de Lugo, onde hai cinco positivos.
Dous centros incorpóranse á lista daqueles que teñen algún contaxio. Son
GALICIA. A escalada de positivos no sistema educativo aínda non remite e os positivos rozan este xoves o milleiro de contagios en centros, institutos e escolas infantís galegas.
As autoridades sanitarias cuantifican polo menos 961 casos nestas instalacións, case medio centenar máis que a xornada anterior e que manteñen unha tendencia de incremento constante e alcanzan cifras que superan nun 30 por cento ás rexistradas hai unha semana.
Esta situación obriga a manter pechadas polo menos 46 aulas, unha escola infantil en Lugo e un punto de atención á infancia en Boborás aínda que as cifras de incidencia son maiores ás achegadas pola Xunta, que só recolle as unidades e centros clausurados polo Sergas e non outros peches que se producen por iniciativa dos equipos directivos, a pesar de que se apliquen seguindo o protocolo ante o covid-19.
Neste contexto destaca a área sanitaria de Vigo, que se mantén como o foco principal da incidencia da o contar con 225 positivos nos seus centros.
A cidade olívica e o municipio de Mos rexistran, ademais, os casos máis graves de contagios de todo o territorio galego, con dez positivos no CPR Plurilingüe Apóstolo Santiago e once na Plurilingüe Lareira, respectivamente.
A área coruñesa, con 158 positivos, mantense en condicións similares aínda que conta con centros que rexistran un número importante de casos como o IES Agra Leborís de A Laracha, con sete ou a escola infantil Vagalume, de Arteixo, con dúas aulas pechadas debido a tres positivos rexistrados nas instalacións.
Ademais desta zona, a área de Compostela rexistra uns 137 positivos contabilizados. A escola Cativos de Conxo presenta tres aulas pechadas por dous positivos, mentres que A Magdalena en Ames conta cunha unidade clausurada e cinco casos.
O CIFP politécnico, e os centros privados Compañía de María e La Salle rexistran o maior número de casos na cidade de Santiago, con sete positivos respectivamente, xunto aos seis do San José de Cluny.
Tras Santiago atópase a área de Ourense, con 131 casos, e Pontevedra con 112. Pecharían a listaxe Lugo con 104 positivos e Ferrol con 94, con casos destacados como o IES Muralla Romana lucense con oito positivos e unha aula pechada ou o Lucus Augusti, con nove.
