A organización animalista Libera! e a Fundación Franz Weber denunciaron a existencia de 23 anuncios ilegais de venda de cans na provincia de Lugo a través dunha "coñecida páxina" de internet, porque "ningún" deles "cumpre cos requisitos mínimos da Lei de Benestar Animal". Segundo ambas as organizacións, ofrécense "cans a un 1 euro, animais sobrantes e ofertas de canes sen papeis", aínda que a normativa esixe "un número de inscrición da Reganuz e o Rexistro Galego de Núcleos Zoolóxicos".
Por iso, estes colectivos anuncian que denunciarán "estes novos casos de venda ilegal ante a Delegación Territorial da Consellería de Medio Ambiente" e pídenlle " Xunta que actúe fronte a un vector de posterior abandono animal en Lugo".
Ademais, denuncian que "as transaccións irregulares de cans explotados en cacerías son masivas e descontroladas" , así como que "determinadas empresas en Internet estar a lucrar dunha infracción de carácter grave" e dun comercio ilegal que "comete tamén fraude contra a Facenda Pública".
