A alcaldesa de Lugo, Lara Méndez, descartouse este venres como posible candidata a tomar as rendas do Partido Socialista nesta provincia tras a renuncia hai uns días do que fose secretario xeral, Álvaro Santos, por discrepancias coa dirección galega do PSdeG.
Asegurou que agora mesmo en política o seu "único interese" é o municipio de Lugo e esa segunda "gran transformación" da cidade que anunciou na campaña para as eleccións locais do pasado 26 de maio.
"Toda a miña ocupación estará dedicada a ese traballo", dixo a rexedora local a preguntas dos xornalistas.
En canto á Deputación de Lugo, Lara Méndez expresou a súa satisfacción por ver cumprida unha das súas demandas, que houbese un representante do municipio de Lugo na corporación provincial.
Finalmente, será a coordinadora municipal da área de Cohesión Social, Ana González Abelleira, quen represente á cidade polo Partido Socialista na Deputación.
Lara Méndez descártase para optar á secretaría xeral do PSdeG en Lugo
Asegurou que agora mesmo en política o seu "único interese" é o municipio de Lugo e esa segunda "gran transformación" da cidade que anunciou na campaña para as eleccións municipais
Comarcas
Concellos de la provincia en números rojos: uno de cada tres paga fuera de plazo
07/abr./24
