A superficie afectada pola praga de ratas-topo que se propagou por oito municipios da provincia de Lugo alcanza as 1.629 hectáreas e a case 3.000 parcelas, segundo informou a propia Xunta de Galicia en base ás declaracións realizadas os propios afectados.
Os municipios da provincia de Lugo nos que se detectou a presenza destes roedores son As Nogais, Baralla, Cervantes, Folgoso do Courel, Navia de Suarna, Pedrafita do Cebreiro, Samos e Triacastela.
Con esta información na man, técnicos da Consellería de Medio Rural desprazaranse de novo á área afectada para tratar de avaliar a dimensión da poboación de roedores e determinar que medidas pódense adoptar para facer fronte á praga.
A Consellería explica que a partir de agora os seus técnicos volverán manter reunións cos afectados para acordar esas medidas a aplicar.