¿Están abertos os hoteis? ¿Podo saír a correr? Así son as novas restricións

As novas restricións para 60 concellos galegos —entre eles Lugo, Monforte, Viveiro e Burela— entrarán en vigor a partir das doce desta noite. O panorama neses puntos será claramente distinto a partir de mañá. Orde en man respóndese a algunhas das dúbidas que poden xurdir.

Atoparei algún sitio onde tomar un café ou comer?

Non. Decrétase o peche de toda a hostalería ata o día 4 de decembro, como mínimo, así que non se poderá tomar nada nin comer dentro de ningún establecemento deses concellos afectados. Pero si se poderá comprar para tomar en casa. Os restaurantes poderán vender comida e os bares, servir cafés para levar. Ao mesmo tempo, cafeterías de centros de traballo ou sanitarios seguirán funcionando. O acompañante dun paciente no hospital contarán con servizo de bar e restaurante, así como os traballadores.

¿Podo seguir indo á universidade? ¿E á academia?

Si, en ambos os casos. As actividades educativas mantéñense. No caso dos ensinos non regulados, como academias ou autoescolas, o aforamento non pode superar o 50% pero poden continuar a formación presencial como ata agora.

¿Sigo sen poder saír dos límites do meu concello?

Si e non se poderá facer durante un mes. As novas medidas endurecen as restricións xa existentes en Lugo, pero non as substitúen. Acumúlanse e inícianse en Monforte, Viveiro e Burela. As excepcións seguen sendo as mesmas: motivos sanitarios, educativos, laborais, de coidados de persoas maiores ou dependentes, trámites inaprazables ou causa de forza maior, entre outros.

¿Podo saír a correr co amigo co que vou sempre?

Non. A práctica de deporte non federado debe ser individual ou só con convivientes.

¿E se estou federado podo ir adestrar con normalidade?

Si, respectando as medidas de protección xa aprobadas e que rexían ata agora.

¿Seguirá aberto o ximnasio e a piscina?

Si. Pero só se pode facer deporte de forma individual ou con persoas convivientes polo que non hai clases colectivas. Debe adestrarse mantendo a distancia interpersoal.

Estas son as restricións para o resto de Galicia: un máis nas reunións

¿Que pasa cos hoteis? ¿Seguirán operativos?

Si, pero é verdade que se verán afectados os peches perimetrales. Novembro é un mes frouxo para o turismo e a ocupación hostaleira. A pesar de todo, seguirán recibindo entre semana aos clientes habituais destas datas, comerciantes e outros clientes en viaxes de traballo que si están permitidos a pesar dos peches. A fin de semana será cando perciban máis a baixada de ocupación, xa que recibían a clientes de escapadas turísticas.

¿E os comercios? ¿Funcionarán con normalidade?

Seguirán abertos como ata agora. O aforamento no interior das tendas será do 50% e nas zonas comúns dos centros comerciais, do 33%.

¿Podo ir á a biblioteca? ¿Haberá actividades culturais?

Si, porque seguirán abertas. Poderá accederse aos servizos de préstamo, consulta ou salas de lectura, pero non se poderán celebrar actividades en grupo a non ser que todos os asistentes sexan convivientes.

¿Podo visitar a alguén nunha residencia? ¿E noutro concello?

As residencias seguirán recibindo visitas aínda que limitarán as saídas dos residentes. Xa que logo poderase ir ver a un usuario que viva nun centro situado en Lugo, Monforte, Burela ou Viveiro, pero só unha hora á semana. Non se poderá saír deses municipios para visitar a un familiar nun deses centros a non ser que se atope moi enfermo.

¿Hai cambios que afectan o resto dos concellos?

Si. As reunións, públicas e privadas, poden ser agora de ata seis persoas non convivientes. O transporte público non escolar funcionará só terá dispoñibles a metade das prazas de asento e unha sexta parte das prazas de pé en liñas urbanas e interurbanas. Non deben sentar en asentos contiguos persoas non convivientes. Ademais, redúcese o aforamento das zonas comúns de centros comerciais ao 33% e os usuarios das residencias de terceira idade non poderán facer saídas. O toque de queda segue vixente en todos os concellos.