A XII Lexislatura chega ao seu fin e é o momento de facer balance. Un dos máis habituais nos medios de comunicación é o de intervencións parlamentarias de cada representante do pobo.
Lugo conta con cinco senadores, catro que lle corresponden a cada provincia e un por designación do Parlamento autonómico. E é un lucense precisamente o que interveu en menos ocasións de entre todos os galegos. Foi o popular Gerardo Criado, con tres participacións concretamente, incluída a súa toma de posesión.
O exalcalde de Vilalba, que fixo dúas preguntas orais, supera así a cifra mínima de participacións dun senador galego na X Lexislatura (2011-2015), en mans doutro chairego do PP, o alcalde de Cospeito Armando Castosa, que tivo once intervencións, segundo recolle Praza Pública unha reportaxe.
No mandato que conclúe, o socialista Ricardo Varela –que non vai esta vez nas listas do PSOE– é o lucense que máis participou (686), moi preto do senador galego máis activo: o seu compañeiro de filas Ángel Mato (690).
A Varela séguelle o popular Xosé Manuel Barreiro, con 66, e despois o exalcalde de Bóveda Fernando Carlos Rodríguez, con 28, e Dámaso López, con 18.
| Ricardo Varela (PSOE) | 686 |
| Xosé Manuel Barreiro (PP) | 66 |
| Fernando Carlos Rodríguez (PP) | 28 |
| Dámaso López (PP) | 18 |
| Gerardo Criado (PP) | 3 |
