Un operario resultou ferido esta mañá logo de caer desde un guindastre situada a catro metros de altura nunha zona de monte do lugar de Adai, no termo municipal lugués do Corgo.
Foron varias persoas particulares as que alertaron dos feitos ao 112 Galicia ás nove e, enseguida, desde o CIAE 112 Galicia requiriuse a intervención de Urxencias Sanitarias de Galicia-061 e dos axentes da Garda Civil e da Policía Nacional.
Posteriormente, os profesionais sanitarios confirmaron ao 112 Galicia que o operario foi trasladado ao Hospital Universitario Lucus Augusti.
Ademais, outro operario resultou ferido na Pontenova ao caerlle encima unha árbore nunha zona de monte do lugar de Cabanas.
Os feitos sucederon ao fío do mediodía. Nese momento, o 112 Galicia recibiu a alerta do ocorrido a través de Urxencias Sanitarias de Galicia-061 e, nada máis ter coñecemento do sucedido, os xestores do CIAE 112 Galicia deron conta do accidente laboral aos axentes da Garda Civil, a Protección Civil e ao GES da Pontenova.
