A Xunta recoñeceu o traballo de vinte estudantes de centros educativos galegos cos Premios Extraordinarios de Ensino Secundario Obrigatoria (ESO) ao rendemento académico correspondentes ao curso 2019-2020. Na provincia de Lugo resultaron galardoados cinco alumnos: Antía Carpinteiro Ramos, do IES Terra Chá José Trapero Pardo, de Castro de Rei; Antía Castro Díaz, do IES Lucus Augusti de Lugo; Aram Reza Mirabedini Álvarez, do IES Lamba dás Quendas de Chantada; Gabriel Prieto Cabarcos, do IES Santiago Basanta Silva de Vilalba; e Rachel Elizabeht Rodríguez José, do IES Xoán Montes de Lugo.
O Diario Oficial de Galicia fixo pública este xoves a concesión destes galardóns, que teñen como obxectivo dar visibilidade pública ao esforzo e dedicación de alumnado que cursou a Secundaria Obrigatoria cun excelente aproveitamento.
A Consellería de Cultura, Educación e Universidade entregaralle a cada premiado 750 euros e un diploma acreditativo. O recoñecemento figurará, ademais, no expediente académico de cada galardoado.
á convocatoria deste premio accederon os alumnos que cursaron cuarto curso diso o pasado ano académico e que pecharon esta etapa cunha nota media igual ou superior aos nove puntos. Os aspirantes á distinción efectuaron tamén unha proba específica.
OUTROS PREMIADOS. Na provincia da Coruña resultaron galardoados seis alumnos. Trátase de Mateo Pérez Soto, do IES Agra de Raíces de Cee; Marta Duckworth Juárez, do CPR Plurilingüe Compañía de María da Coruña; Eva Montoto Pintos e Samuel Vidal Mariño, do IES Cacheiras de Teo; e Alejandro Amoedo Fontoira, Claudia Santos Freire e Tomás Pereira Angueira, os tres do CPR Manuel Peleteiro de Santiago de Compostela.
Tamén recibiron este recoñecemento os estudantes da provincia de Pontevedra Sanaa Aboufaris Ouahlim, do CPI do Toural de Vilaboa; Diego Fariña Rodríguez, do IES Rosais 2 de Vigo; Carmen Nimo Piñeiro, do CPR Sek-Atlántico de Poio; Candea Rivas López, do CPR Plurilingüe San José de Cluny de Vigo; Clara Senín Sánchez, do IES Castro Alobre de Vilagarcía de Arousa; Josué Troncoso Campos, do IES Plurilingüe Terra de Turonio de Gondomar; e Claudia Villar Cebada, do IES República Oriental do Uruguai de Vigo.
Na provincia de Ourense obtivo esta distinción Roi López Barata, do CPR Plurilingüe Santa Teresa de Jesús.
