Elena
Candia entregou este mércores á comisión organizadora do XVIII congreso provincial case 1.600 avais, formalizando así a súa candidatura a revalidar a presidencia do partido o 19 de setembro.
Afrontará unha nova etapa na que, segundo afirma, pretende liderar un proxecto baseado no traballo en equipo e unha estratexia de provincia, "avalada no diálogo e no consenso", así como co obxectivo de gobernar na capital provincial e Deputación.
Nas próximas semanas abrirase o prazo para a elección de compromisarios. Desde o 28 de agosto ao 8 de setembro, os afiliados poderán inscribirse para ser compromisarios e poder votar en urna o día do conclave.
"Supoño que a renovación prodúcese cando as cousas non funcionan; se se entende que as cousas están a funcionar dáse continuidade pero elévase o listón do traballo", esgrimiu Rueda nunha rolda de prensa despois de que se confirmase que ningún dos actuais presidentes do PP nas provincias galegas terán competencia interna.
Deste xeito, ademais de Candia, tras os congresos previstos para finais de setembro Diego Calvo repetirá como líder na Coruña, Manuel Baltar en Ourense e o propio Alfonso Rueda en Pontevedra.
Así as cousas, o dirixente pontevedrés insistiu en que ata agora unicamente se presentaron as candidaturas, o que indica que os actuais responsables comprometéronse a seguir "traballando" para que, nas votacións de setembro, a militancia examine "o que fixemos ata agora".