O presidente da Deputación de Lugo, Darío Campos, avanzou este martes que o goberno provincial levará ao pleno do próximo martes as novas bases do Plan Único da institución, dotado neste caso con 21 millóns de euros.
O goberno provincial aclarou que os fondos se distribuirán, do mesmo xeito que nas anualidades previas, en base a criterios totalmente obxectivos, como son: a poboación, a superficie, os núcleos poboacionais e taxa de envellecemento de cada un dos municipios, cunha contía máxima que chegará aos 500.000 euros e unha mínima de 200.000 euros por concello.
O Plan Único 2019 contempla un mínimo de 10,5 millóns de euros para investimentos, así como 1,5 millóns de euros para manter en funcionamento o Servizo de Axuda non Fogar a persoas non dependentes.
Os 12 millóns restantes quedarán a disposición dos propios concellos, que empregarán ese diñeiro na organización de eventos turísticos, actividades culturais, probas deportivas e servizos como o que presta Protección Civil.
Os concellos de Lugo poderán solicitar un anticipo do 50%, de modo que a Deputación espera “inxectar canto antes” na provincia "10,5 millóns de euros".
As bases irán a pleno o martes e, unha vez aprobadas, os municipios poderán solicitar xa as axudas e presentar os correspondentes proxectos no prazo dun mes.
