O presidente da Deputación de Lugo, José Tomé, mantivo este luns un encontro no secretario xeral para o Reto Demográfico do Goberno de España, Francesc Aboia, no Centro de Atención a Maiores de Castroverde, para presentarlle o modelo provincial de residencias da terceira idade como "unha verdadeira medida de apoio ao rural" e unha "acción real para fixar poboación nas nosas aldeas".
Tomé presentoulle ao secretario xeral este sistema de residencias, que actualmente conta con sete centros, que funcionan en colaboración cos concellos nos que están implantados, como "
"Na Deputación convertemos unha situación adversa, como é a alta taxa de envellecemento da provincia, nunha oportunidade de desenvolvemento sostible, grazas a un modelo que garante o benestar e a tranquilidade dos residentes e as súas familias, favorece o arraigamento e crea emprego e actividade económica", explicou o presidente da Deputación.
Tamén dixo que a Deputación ofreceulle "en varias ocasións á Xunta" a súa experiencia, pero a pesar de que o goberno provincial "non obtivo resposta", o modelo "está a xerar interese fóra de Galicia".
"Hoxe coñeceuno o secretario xeral para o Reto Demográfico e en dúas ocasións participamos na Semana Europea das Rexións e das Cidades para expolo", engadiu.
A rede provincial de xeriátricos conta con sete sedes noutros tantos municipios lucenses: Pol, Trabada, Ribadeo, Castroverde, Pedrafita, A Fonsagrada e Meira.