O cribado realizado pola Deputación de Lugo ao seu persoal sáldase sen positivos

Case 200 traballadores da institución sometéronse a probas para detectar o covid tras os festivos de Semana Santa
Cribado en la Diputación de Lugo. EP
photo_camera Cribado na Deputación de Lugo. EP

O cribado realizado pola Deputación de Lugo ao seu persoal, que contou con case 200 traballadores testados, saldouse sen positivos en coronavirus. Así o informou esta institución provincial nun comunicado, no que explica que desde o inicio da pandemia adoptou "todo tipo de medidas para previr novos casos de covid-19" entre o seu persoal. 

Por iso, a semana pasada realizou un cribado a 200 traballadores que consistiu nun test rápido de antíxenos con mostra de saliva, cuxo resultado se obtiña en 15 minutos logo da recollida da mostra. Un 50 por cento do persoal dos diferentes departamentos da institución acudiu ao cribado para a detección do virus, indica a Deputación de Lugo, dos que "ningún deles resultou positivo neste test de antíxenos". 

Esta medida, puntualiza a institución, súmase " loita do goberno provincial ante a pandemia para a protección do cadro de persoal e os veciños da provincia". "A pesar dos resultados favorables neste cribado, nas dependencias provinciais seguiranse mantendo as medidas xerais de prevención, ventilando as oficinas e mantendo o uso obrigatorio da máscara", concluíu a Deputación de Lugo. 

Comentarios