Meira e Trabada son os municipios lucenses con peores datos de incidencia acumulada a 14 días. Segundo os datos ofrecidos este luns polo Sergas estes dous concellos son os únicos da provincia cunha taxa por encima de 500.
O dato concreto da incidencia, iso si, non aparece reflectido nas cifras que publica a Xunta, xa que o número de casos totais de cada un destes municipios é inferior a dez.
Outro dos concellos que preocupan é Barreiros, o terceiro na provincia por encima de 250, cunha incidencia acumulada de 376 casos por cada 100.000 habitantes.
No seguinte elo están Xermade, Quiroga e Ribeira de Piquín, cunha cifra que se sitúa entre os 150 e os 250 casos por cen mil habitantes.
CONCELLOS SEN CORONAVIRUS. A área sanitaria conta con 38 municipios que non detectaron ningún caso novo de coronavirus nas últimas dúas semanas. Estes concellos son: Abadín, Alfoz, Antas de Ulla, Baleira, Becerreá, Begonte, Bóveda, Castro de Rei, Castroverde, Cervantes, Cospeito, Folgoso do Courel, Friol, Guitiriz, Guntín, O Incio, Láncara, Monterroso, Muras, Navia de Suarna, Negueira de Muñiz, Ourol, Outeiro de Rei, Paradela, O Páramo, Pedrafita do Cebreiro, Pol, A Pontenova, Portomarín, Ribas de Sil, Riotorto, Samos, Rábade, Sarria, O Saviñao, Taboada, Triacastela, O Valadouro.
CIDADES. Vigo destaca como a cidade galega con peores rexistros. A incidencia acumulada da capital olívica é
Os mellores datos tenos Santiago de Compostela, cunha taxa de 50.
CIDADE | CASOS EN 14 DÍAS | INCIDENCIA ACUMULADA |
Vigo | 438 | 148 |
A Coruña | 265 | 107 |
Pontevedra | 73 | 88 |
Lugo | 71 | 72 |
Ourense | 62 | 59 |
Ferrol | 38 | 58 |
Santiago | 49 | 50 |