A provincia de Lugo conta con cinco municipios en risco extremo, é dicir, cunha incidencia acumulada por encima dos 250 casos por cada 100.000 habitantes. Estes concellos son Guitiriz, Monforte, A Pontenova, A Pobra de Brollón e Rábade. Sae desta lista con respecto á xornada anterior Sober,
As peores cifras seguen sendo as de Guitiriz. O concello chairego ten unha incidencia de 1.092, aínda moi elevada, aínda que en traxectoria descendente (1.600 o xoves e 1.348 o venres).
.A Pobra de Brollón é o outro municipio da provincia que supera o medio milleiro, con entre 1 e 9 casos de coronavirus (a Xunta non especifica o número exacto con menos dunha decena).
Por baixo destes dous atópase A Pontenova, con 500, e Monforte, con 251. Rábade está tamén entre os 250 e os 500, con entre 1 e 9 positivos.
SEN CORONAVIRUS. A provincia contabiliza 28 municipios sen ningún caso de coronavirus nas últimas dúas semanas. Estes concellos son: Abadín, Alfoz, Antas de Ulla, Bóveda, Carballedo, Cervantes, Cospeito, Folgoso do Courel, A Fonsagrada, O Incio, Xove, Monterroso, Navia de Suarna, Negueira de Muñiz, As Nogais, Ourol, Paradela, O Páramo, A Pastoriza, Pedrafita do Cebreiro, Pol, Portomarín, Ribas de Sil, Ribeira de Piquín, Samos, Trabada, Triacastela e O Vicedo
CIDADES. As cidades de Galicia manteñen a tendencia global á baixa, aínda que en Pontevedra e Vigo subiu lixeiramente a incidencia.
Iso si, a única cidade que está en zona de risco máximo é A Coruña, cunha incidencia acumulada de 296.
CIDADE | CASOS EN 14 DÍAS | INCIDENCIA ACUMULADA |
A Coruña | 732 | 296 (-1) |
Ferrol | 152 | 232 (-26) |
Lugo | 200 | 203 (-17) |
Pontevedra | 155 | 186 (+2) |
Vigo | 411 | 139 (+1) |
Santiago | 107 | 109 (-3) |
Ourense | 87 | 82 (-10) |