César Dorado Pin seguirá á fronte de Acruga polo menos outros catro anos máis. O que era ata agora –e seguirá sendo– presidente da Asociación de Criadores de Raza Loura Galega logrou o triunfo nunha xornada electoral na que superou o 90% de participación.
A candidatura de Dorado sumou o 52,3% dos votos, fronte ao 47,6% que levou a outra candidatura, a do gandeiro David López.
"Estou moi satisfeito pola alta participación; temos que agraceder aos gandeiros e gandeiras que se implicasen neste proceso e o respaldo que nos deron. Imos traballar con ganas renovadas para seguir avanzando en moitos dos proxectos que temos en marcha e na renovación de varios convenios coas administracións para lograr axudas e subvencións para os gandeiros de loura galega", sinalou dorado Pin.
Tras este proceso electoral, César Dorado dará comezo ao que suporá o seu quinto mandato á fronte da asociacion.