Unha campá, situada sobre un monólito, une en irmandade aos municipios de Portomarín e O Vicedo e crea un vínculo de unión entre o Camiño Francés e a Costa lucense. "Os pereginos que a toquen non só anuncian a súa chegada a Portomarín, senón que fan a promesa de achegarse ao Fuciño do Porco, uns dous referentes paisaxísticos do noso litoral", explicou o alcalde vicedense, Jesús Novo.
A colocación deste símbolo pretende recordar aos camiñantes que, unha vez culminada a súa viaxe a Compostela, vale a pena visitar o norte lucense. "Hai moitos lugares de interese en Galicia e convén lembrarlle aos peregrinos que a nosa provincia, e A Mariña en particular, contan con paisaxes emblemáticos", afirmou o rexedor de Portomarín, Juan Serrano.
As campás están ligadas historicamente á vida dos pobos. Outrora marcaban os momentos de traballo e de oración "ademais de server para advertir ao pobo dun acontecemento importante ou para anunciar as celebracións litúrxicas", segundo explica Cristóbal Rivas, párroco vicendense, que bendixo o monólito de pedra que sostén a Campá da Liberdade ou Liberty Bell, situada na ponte de entrada a Portomarín polo Camiño de Santiago desde Paradela.
Este instrumento fai referencia tamén á "liberdade, como un valor intrínseco dá ruta xacobea. Os peregrinos fan un percorrido espiritual, pero tamén de busca da libertade", manifestou Juan Serrano.
A campá, doada por Jesús Novo, "é dun barco que se afundiu na costa. O alcalde de Portomarín acordou comigo poñela na entrada dá vila como un reclamo promocional, que estreita os lazos turísticos entre os nosos concellos e entre a costa e o interior", precisou o rexedor vicedense.
Xunto ao monólito, situado no paseo peonil que se constrúe na ponte de entrada a Portomarín, porase unha placa alusiva á obrigación ao camiñante de visitar Fuciño do Porco noutro momento da súa vida. "É un xeito de divulgar os atractivos da provincia entre camiñantes de distintos países", recalcou Serrano.
