Acabouse o tempo de estar encerrados. Logo de soportar tantos días de confinamento forzoso nos domicilios e velas cara a cara coas catro paredes, os españois optaron por solicitar masivamente información sobre o estado das reservas nos establecementos de turismo rural e de interior. O ecoturismo chegou para quedar.
Coa chegada do proceso de desescalada, a porcentaxe de rexistros de reservas neste tipo de hospedaxes multiplicouse exponencialmente ás ansias dos futuros hóspedes por atopar espazos ao aire libre, pouco masificados e cunha contorna natural que actúa de barreira ante o perigo palpable que aínda representa o Covid-19 para a poboación. Segundo as últimas previsións, os hoteis de interior terán unha maior facturación que os do litoral, sobre todo grazas ao turismo nacional, posto que os súbditos estranxeiros non desembarcarán masivamente nas costas españolas como era costume debido á actual situación global.
Lugo conta cun amplo abanico de hoteis, casas e apartamentos de turismo rural para dar cabida á demanda que se xera
Lugo aínda é allea a este fenómeno con escasos precedentes, a pesar de que a provincia conta cun amplo abanico de hoteis, apartamentos e casas de turismo rural para dar cabida á demanda. Aínda que é certo que as reservas en Lugo manteñen un costume tardío, como explica José Ramón Fernández, propietario de Finca O Bizarro, en Trabada. "Este feito débese a que a xente opta antes polas hospedaxes rurais de localidades con costa, e cando estas están cheas é cando recorren a nós", manifesta este empresario que viu obsequiado o seu establecemento coa Q de Calidade Turística.
Na Montaña lucense repítese esta situación. Manuel Arza, xerente da Carbiña, un negocio que agrupa cinco apartamentos individuais emprazados en Folgoso do Courel. "As reservas que temos son semellantes ás que tivemos na mesma época do ano pasado, e todas son de persoas da provincia", aclara o seu propietario, quen asegura que a incerteza que creo a pandemia fai que clientes da "Coruña, Vigo e Ourense aínda non fixeran a reserva. Tamén conto con alemáns e franceses todos os anos, pero este verán creo que non virán".
Arza asegura que se debería aumentar a notoriedade do Courel porque "é unha pena que non se coñeza máis esta zona porque ten un patrimonio brutal", matiza.
A MARIÑA. No outro extremo da balanza sitúase o reclamo turístico da Mariña lucense. Enrique Penalonga, xerente de Casa Penalonga, en Foz, asegura que este mes as reservas "aínda son poucas", pero o panorama vai dar un xiro de 180 graos nos dous próximos meses. "Estamos con moitas reservas en xullo, sobre un 40 por cento, e temos agosto case completo, pero non chegaremos aos niveis de 2019", asegura o xerente desta casa de turismo rural con capacidade para 20 hóspedes.
GALICIA. Os turistas nacionais non esperaron para formalizar os seus trámites de reserva na comunidade galega de face a agosto, tradicionalmente o mes elixido polos españois para irse masivamente de vacacións. A medida que pasan os días o crecemento é cada vez maior. Probablemente débase a que moitas comunidades avanzan na desescalada cara á Fase 2 e 3, como é o caso de Galicia.
OCUPACIÓN. Segundo os últimos datos, os hoteis e casas rurais e de interior en Galicia xa superaron o 31 por cento de ocupación en agosto. María Traveso, responsable da plataforma Turismo Slow, asegura que coa chegada da desescalada e a apertura á mobilidade entre comunidades autónomas hai zonas que se van a beneficiar máis que outras. "Temos hoteis e casas rurais na Mariña lucense, que colaboran connosco, e que nos aseguran que as reservas de habitacións por parte de clientes nacionais para xullo e agosto están entre o 90 e o 100 por cen", comenta a empresaria.
