Os efectivos dos seis parques comarcais que xestiona o Consorcio Provincial de Bombeiros reciben dende este lunes e ata o mércores a primeira dose da vacina fronte á Covid-19. Serán vacinados os 117 profesionais que forman o plantel.
Está previsto que os efectivos sexan vacinados nos hospitais de referencia da comarca do seu parque e que reciban a segunda dose en 12 semanas, completando o proceso de vacinación fronte ao coronavirus durante o mes de maio.
O Consorcio Provincial de Lugo para Prestación do Servizo contra Incendios e Salvamento está formado pola Deputación de Lugo e a Xunta de Galicia e inclúe os parques de Monforte de Lemos, Barreiros, Chantada, Vilalba, Sarria e Viveiro. Actualmente dispón de 117 efectivos.