domingo. 18.08.2019 |
El tiempo
domingo. 18.08.2019
El tiempo

O BNG non garante a investidura de Tomé na Deputación se non hai pacto

Celebración do pleno extraordinario da Deputación. XESÚS Ponche
Celebración do pleno extraordinario da Deputación. XESÚS Ponche

Socialistas e nacionalistas celebran este luns a segunda reunión en busca do acordo de goberno

Socialistas e nacionalistas celebran este luns pola tarde unha segunda reunión para tratar de chegar a un pacto de goberno na Deputación despois de catro anos nos que ambas as formacións permaneceron distanciadas por mor da crise provocada polo caso Martíñez.

A vontade por parte de ambos os partidos é a de pasar páxina e chegar a un pacto que beneficie a toda a provincia, segundo aclaran fontes do BNG, aínda que tamén advirten de que poñen como condición para facilitar a elección como presidente do socialista José Tomé que se peche o acordo de goberno antes do pleno de investidura, previsto para as 12.00 horas do próximo xoves día 18.

Tras a primeira reunión, celebrada o venres, as comisións negociadoras comentaron que había boa disposición por ambas as partes, aínda que non quixeron aclarar as peticións expostas por uns e outros. En todo caso, desde o BNG explican que están abertos a escoitar as propostas dos socialistas e esperan a mesma disposición por parte do PSOE.

Os nacionalistas celebran este luns pola mañá unha reunión para ver que persoas asisten á reunión da tarde cos socialistas, que terá lugar nos locais dos grupos políticos que ten a Deputación na Praza de Santo Domingo.

Á primeira reunión acudiron como negociadores do BNG o deputado en funcións Antonio Veiga, a concelleira en Lugo e futura deputada Maite Ferreiro e Goretti Sanmartín, como secretaria de Implantación e Estratexia Municipal do BNG.

Por parte do PSOE asistiron José Tomé; o secretario de Organización do PSdeG e presidente da xestora provincial, José Antonio Quiroga, a deputada en funcións e candidata a volver selo Pilar García Porto, e o exalcalde de Castro de Rei Juan José Díaz Valiño.

O BNG non garante a investidura de Tomé na Deputación se non hai pacto
Comentarios