A apertura de fronteiras en determinadas zonas da provincia limítrofes con Asturias e tamén con León tivo efectos practicamente inmediatos. Na xornada deste domingo nin asturianos nin leoneses perderon o tempo e a presenza de asturianos deixouse notar tanto na Mariña, de forma moi especial en Ribadeo, como en A Fonsagrada, mentres que na Montaña volveron ver aos seus veciños leoneses cos que levaban meses sen poder reunirse.
As expectativas espertadas en Ribadeo coa reapertura de fronteiras con Asturias eran grandes e aínda seguen séndoo. Os hostaleiros e comerciantes lamentaban o domingo un pequeno patinazo dos homes do tempo: "En todos os sitios anunciaron moi mal tempo e resulta que estivo unha mañá moi boa e iso quitounos xente", indica o empresario Juan Edrosa, que lamentaba esta circunstancia porque aseguraba que, aínda así, "a verdade é que notamos bastante que había xente de Asturias. Foi algo case inmediato".
A fronteira con Ribadeo foi unha das máis vixiadas no peche perimetral pola gran cantidade de xente que a cruza a diario
A percepción de Juan Edrosa, dono dos establecementos de hostalería do Náutico ribadense non estaba desencaminada. En Ribadeo o comercio abre sempre os domingos pola mañá e este domingo as rúas enchéronse de xente para facer algunhas compras e á hora para comer os restaurantes atopáronse de novo cunha clientela máis numerosa do habitual. Notaron enseguida que eran asturianos.
Desde a Asociación de Comerciantes destacaron que esta situación se ía a dar e Juan Edrosa indicaba que "notamos enseguida que tíñamos máis xente. A verdade é que durante as fins de semana xa víñamos tendo máis xente, pero onte notouse aínda máis"
Agora espera que isto non sexa algo pasaxeiro porque di que "o que fai falta en Ribadeo é que a xente de Asturias siga vindo tapmén pola semana, porque é cando tamén fan gasto non comercio".
A Fonsagrada. Na Fonsagrada non se fixo esperar a chegada dos veciños asturianos. A apertura das fronteiras coa comunidade encheu os restaurantes, case como un domingo antes da pandemia. "Veu xente que estaba rabiando por vir", comenta José Lombardero, do Restaurante Cantábrico. "Volveuse ouvir falar asturiano, que nesta casa xa botábase de menos", engade o propietario do mítico negocio.
O reencontro foi emocionante dada a estreita relación coa comunidade asturiana nesta zona, e logo de tantos meses de separación. "Notouse moito a apertura", comentou o rexedor municipal, Carlos López.
A MONTAÑA. Tamén en distintas localidades da Montaña os restaurantes que estaban abertos recibiron de novo aos seus veciños leoneses.
Os LUCENSES. A apertura de fronteiras tamén tivo o efecto contrario. Moitos lucenses de concellos limítrofes volveron achegarse ao Bierzo, Os Oscos ou a localidades como Castropol ou Tapia en Asturias, moi frecuentadas por eles habitualmente.
Tránsito
Foron moitos os galegos que cruzaron onte a fronteira para asistir ás tradicionais feiras do país veciño. Os vehículos puideron circular polas pontes internacionais sen restricións. Portugal xa abrira as súas fronteiras o pasado día 2, pero esa medida non foi efectiva porque en Galicia mantívose o peche perimetral outra semana máis.
Economía
O peche de fronteiras supuxo un duro revés económico para os empresarios dun e outro lado da Raia, pero talvez foi máis acentuado en strong <>Valença que en strong <>Tui, debido á avalancha de galegos que se adoitaba producir cando se celebraban as tradicionais feiras.
