O alcalde do Corgo, o popular Felipe Labrada
Felipe Labrada, xa interpelado se está disposto a gobernar en solitario solta que é "o que queda", asumindo que probablemente teña que gobernar en minoría os próximos catro anos.
En concreto, o PP logrou nas pasadas eleccións municipais cinco edís, uns menos dos necesarios para lograr a maioría absoluta. Pola súa banda, Ciudadanos obtivo dous edís nunha corporación que se completa con tres representantes do PSOE e un do BNG.
O rexedor concretou que as discrepancias se producen "á hora de decidir como sería a área (municipal) de vías e obras". "Había dúas áreas, automoción e conservación de pistas, non houbo problemas pero á hora de definir vías e obras non chegamos a un acordo", precisou.
Deste xeito, ante o novo escenario de gobernabilidade que se abre, o rexedor apostou por "ir vendo". "É cuestión de ir falando e é cuestión de ir negociando", sinalou. "Eu a nivel persoal teño que estar agradecido, foi unha cuestión técnica (a ruptura). Non hai ningún inconveniente en negociar obras e o que faga falta", comprometeuse.