sábado. 21.05.2022 |
El tiempo
sábado. 21.05.2022
El tiempo

Agromuralla estuda levar as súas protestas polos baixos prezos do leite a Santiago e Madrid

Vacas y tractores por la Ronda da Muralla en la tractorada realizada en Lugo. SEBAS SENANDE
Vacas y tractores por la Ronda da Muralla en la tractorada realizada en Lugo. SEBAS SENANDE
Os gañadores denuncian que están a producir a perdidas polo "desfasamento" nas contías que se lles abonan por litro

O presidente da asociación de gandeiros de Lugo Agromuralla, José Luís Pérez, avanzou este martes que están a estudar levar as protestas polos baixos prezos do leite que lles abonan as industrias a outros puntos do territorio, como Santiago ou Madrid.

A pasada semana os tractores saíron de novo a rúa e rodearon a muralla, cun carro de bueyes percorrendo o centro que viña a simbolizar a "morte" do sector.

Os gañadores denuncian que están a producir a perdidas polo "desfasamento" nos prezos que se lles abonan por litro de leite, pouco máis de 32 céntimos, fronte aos custos que chegan xa aos 40 céntimos.

Unha situación que se agravou debido aos gastos polo prezo da luz, do penso e dos combustibles.

"Estamos a ter contactos con outros colectivos, incluso doutros sectores porque a crise non é só láctea, nin de carne, senón de moitos sectores"

Pérez celebrou o "importante respaldo" que tiveron nas súas reivindicacións en Lugo, "incluso de xente de fóra do sector", polo que xa traballan noutras accións máis aló do ámbito local.

"Estamos a ter contactos con outros colectivos, incluso doutros sectores porque a crise non é só láctea, nin de carne, senón de moitos sectores e esa sería unha forma de facer máis presión, o ir todos xuntos", subscribiu.

É por iso que xa se traballa "nunha fronte común" con outras organizacións agrarias e "con outros sectores tamén".

Tanto é así que xa analizan "levar as protestas a Santiago e a Madrid", sobre todo á capital do Estado porque, deixou caer, "é aí onde se corta o bacallau".

No entanto xa anticipou que non se podería facer con tractores, porque sería "inviable" dada a distancia que habería que percorrer desde a provincia de Lugo ata Madrid.

Agromuralla estuda levar as súas protestas polos baixos prezos do...
comentarios