A plataforma de afectadas pola selección de persoal para as residencias da terceira idade que construíu a Deputación de Lugo presentou unha demanda ante o Xulgado do Contencioso-Administrativo de Lugo contra a institución provincial para continuar pola vía xudicial a reclamación da "dereito a poder traballar nas mesmas".
A plataforma tomou esta decisión despois de que se cumprisen os tres meses" desde a interposición dunha "reclamación previa fronte á Deputación", á que a institución provincial non contestou.
As afectadas entenden, polo tanto, que dita reclamación foi "desestimada por silencio administrativo" e emprenden agora a correspondente reclamación por vía xudicial, ao considerar que a Deputación "ten a obrigación de respectar os dereitos das persoas seleccionadas en maio de 2015" para formar parte do persoal desas residencias.
A selección foi realizada a través da empresa pública Suplusa, co "absoluto consentimento da propia Deputación".
Así o demostran "as cartas convocando ás persoas inscritas ás probas de selección", que foron "asinadas polo propio presidente da Deputación de Lugo, por aquel entón José Ramón Gómez Besteiro".