Seis de cada dez concellos da provincia de Lugo non detectaron ningún caso de coronavirus nas últimas dúas semanas. A análise do ,mapa do covid na provincia arroxa uns datos bastante estables nos últimos días, aínda que preocupan os casos asociados ao brote na Mariña, que xa suma uns 40 positivos
A provincia conta con tres municipios cunha incidencia acumulada superior aos 250 casos por cada 100.000 habitantes: Barreiros, Meira e Trabada. Segundo os datos ofrecidos diariamente polo Sergas unicamente pódese precisar a incidencia en Barreiros, que suma 342. En Meira e Trabada non se especifica a cifra ao ter menos de dez casos totais.
Xermade e A Pobra do Brollón, pola súa banda, contan cunha incidencia acumulada que se sitúa entre os 150 e os 250 casos por cada cen mil habitantes, mentres que o resto da provincia atópase por baixo do limiar dos 150.
CONCELLOS SEN NOVOS CASOS. Os 39 municipios que non detectaron ningún novo positivo nos últimos 14 días son: Abadín, Alfoz, Antas de Ulla, Baleira, Begonte, Bóveda, Carballedo, Castro de Rei, Castroverde, Cervantes, Cospeito, Folgoso do Courel, Guitiriz, Guntín, O Incio, Lourenzá, Monterroso, Muras, Navia de Suarna, Negueira de Muñiz, Ourol, Outeiro de Rei, Paradela, O Páramo, Pedrafita do Cebreiro, Pol, A Pontenova, Portomarín, Ribas de Sil, Ribeira de Piquín, Riotorto, Samos, Rábade, Sarria, O Saviñao, Taboada, Triacastrela, O Valadouro, O Vicedo.
CIDADES. Os datos de incidencia acumulada entre as principais cidades galegas mostran que os peores datos son para as dúas máis grandes: Vigo, con 120 casos por cada 100.000 habitantes; e A Coruña, cunha taxa de 102.
O resto de urbes atópanse por baixo dos 100, sendo os mellores datos para Ferrol, cunha taxa de 52.
CIDADE | CASOS EN 14 DÍAS | INCIDENCIA ACUMULADA |
Vigo | 356 | 120 |
A Coruña | 252 | 252 |
Pontevedra | 75 | 90 |
Lugo | 59 | 60 |
Santiago | 55 | 56 |
Ourense | 58 | 55 |
Ferrol | 34 | 52 |