Un centenar de clientes de Naturgy en Castroverde permaneceron sen luz durante máis de 12 horas, a consecuencia do temporal de vento que o luns derrubou varias árbores sobre o tendido de media tensión, o que nun primeiro momento afectou a uns 1.500 usuarios.
A avaría produciuse ao redor das 17.00 horas. A partir dese momento, as brigadas da compañía eléctrica traballaron para restablecer o servizo.
A colocación de varios grupos electróxenos permitiu que a maioría dos afectados recobrase o servizo a última hora da tarde, pero a luz non chegou a un centenar de casas ata a mañá deste martes.
