O Tribunal Supremo ha ratificado a condena de 35 anos de prisión para o veciño de Friol que violou ao seu fillo de idade e agrediu sexualmente a dous amigos deste, tamén menores. A sentenza xa é firme e confirma a pena imposta polo Tribunal Superior de Xustiza de Galicia (TSXG). Declara ademais firme a obrigación de indemnizar con un total de 70.000 euros ás súas tres vítimas por delitos de agresión sexual e de violencia psíquica no ámbito familiar.
Os feitos tiveron lugar en Friol cando o fillo do procesado e os seus dous amigos tiñan menos de 16 anos. O fallo do TSXG, entre outras cuestións, xa consideraba probado que o home sometía ao seu fillo a vexacións sexuais en contra da súa vontade e incluso chegou a violalo. A sentenza tamén recollía que en 2015 este veciño de Friol, que atopábase separado e tiña a custodia do menor, agrediu sexualmente a dous amigos do seu fillo (unha nena e un neno) en contra da súa vontade.
O relato que ofreceron os menores no xuízo celebrado na Audiencia Provincial de Lugo no ano 2017 foi desgarrador, tanto polas situacións que viviron, como polas secuelas que arrastran.
O acusado leva na prisión de Bonxe desde o mes de abril do ano 2016
Os seus testemuños pintaron a un acusado desapiadado e manipulador, que lles ofrecía diñeiro e recargas de móbil e os intimidaba para que non contasen nada.
Ao longo do proceso a defensa do acusado intentou, sen éxito, desvirtuar as declaracións das vítimas, alegando que as versións eran "contraditorias e incoherentes". A defensa do acusado cualificou a condena de inxusta "" e asegurou que tanto el como o seu cliente tiñan "moitas esperanzas" de que o recurso presentando ante o TSXG prosperase. Con todo, o tribunal desestimouno.
A sentenza, que xa é firme, tamén confirma que o friolés perde a patria potestade sobre o seu fillo e imponlle unha orde de afastamento dun quilómetro durante outros dezaseis anos máis, ademais de varias décadas de liberdade vixiada. O Supremo destaca, entre outras cousas, "as pegadas psicolóxicas que padecen as vítimas".
O acusado leva na prisión de Bonxe desde o mes de abril do ano 2016.
