O segundo premio do sorteo da Lotería Nacional cae en Castroverde

Castroverde figura entre os lugares agraciados co segundo premio do sorteo da Lotería Nacional celebrado este xoves, que recaeu no 29.005, dotado coa cantidade de 60.000 euros ao número, o que supón 6.000 euros por cada décimo.

O 29.005 vendeuse en administracións de Barcelona, Madrid, Ronda (Málaga), así como na Librería Paradela, que está situada no número 134 da rúa Rosalía de Castro deste municipio lucense.

O primeiro premio, dotado con 300.000 euros por serie, correspondeu ao número 64.607, e estivo moi repartido por distintos lugares da xeografía española. En concreto, este número vendeuse en puntos de venda de Santa Coloma de Gramenet (Barcelona), Bilbao, Campo de Criptana (Cidade Real), Palma del Río (Córdoba), Legazpi (Gipuzkoa), La Bañeza, León, San Andrés del Rabanedo (León), Alcalá de Henares (Madrid), Ponteareas (Pontevedra) e Castilleja de la Cuesta (Sevilla).

Os reintegros do sorteo da Lotería Nacional foron para os números acabados en 6, 9 e 7.

Comentarios