Un taller mecánico de Friol sufriu un roubo con forza valorado en 5.500 euros. Ao parecer, os ladróns entraron pola parte de atrás do establecemento e levaron ferramentas que suman un valor estimado á cantidade mencionada.
O asalto tería lugar hai uns días nun taller, especializado en rodas. Os asaltantes, tras irromper no negocio, levaron obxectos talles como pistolas neumáticas, distintos tipos de chaves e ferramentas que se atopaban no local.
ROUBO EN ESCAIRÓN. Os amigos do alleo tamén fixeron esta semana unha parada na casa parroquial de Escairón, no termo municipal do Saviñao. O domicilio, situado á beira da igrexa, non conta en actualidade con ningún sacerdote aloxado e os cacos aproveitaron iso para acceder ao inmoble e facerse cunha ducia de botellas de licor.
Os ladróns sacaron partido de que a casa está apartada para acceder ao interior do edificio por unha fiestra da parte traseira e levar os envases de licor.