Perde o control do seu vehículo e acaba envorcado na cuneta en Castroverde

Unha muller tivo que ser auxiliada ao redor das 10.00 horas deste sábado, logo de sufrir un accidente de tráfico á altura do quilómetro 24 da estrada N-530, no termo municipal de Castroverde. Por causas que se descoñecen, a condutora, única ocupante do vehículo, perdeu o control do automóbil que acabou envorcado na cuneta.

Aínda que tivo algunhas dificultades para saír do vehículo, a muller puido saír finalmente do coche coa axuda dos axentes do Subsector de Tráfico da Garda Civil que se desprazaron ata o punto, alertados pola central do 112 Galicia, desde onde tamén se mobilizou aos servizos sanitarios.