O aparatoso envorco dun vehículo que na tarde do venres circulaba á altura do quilómetro 479 da A-6, no municipio do Corgo, saldouse con importantes danos materiais pero, milagrosamente, ningún dos catro ocupantes que viaxaban nel sufriron danos.
Tanto o condutor como os acompañantes foron asistidos por unha patrulla do Subsector de Tráfico da Garda Civil, que se encargou de sinalizar a zona ata que retirouse o automóbil sinistrado.
Na tarde do venres tamén resultou ferido, aínda que de escasa consideración, o condutor dunha motocicleta que caeu cando circulaba pola N-VI á altura da parroquia de Ferreiros.
