Juan Serrano, que foi elixido este martes como novo senador en representación da comunidade autónoma de Galicia, asegura que asume esta nova responsabilidade política coa intención de strong <>"trasladar" ao Senado "o sentir da xente nestes momentos difíciles", provocados pola "crise económica e sanitaria".
"Vou dar o mellor de min", dixo nunha entrevista concedida a Cope Lugo, para servir "a toda a cidadanía galega" coa experiencia da "aprendizaxe política e empresarial" que, ás veces de forma "intensa", foi adquirindo ao longo da súa vida.
Serrano, que renunciou á alcaldía de Portomarín semana pasada, afirmou que "ganas" non lle faltan" de seguir "traballando", tamén para "servir a esa maioría social que representa en Galicia" o proxecto do Partido Popular e que se caracteriza por aplicar "o sentido común" á política.
Segundo a información que manexa, tomará posesión do seu novo cargo o vindeiro martes.
O exalcalde de Portomarín foi elixido este martes como novo senador en representación da comunidade autónoma, tras ser proposto polo PPDEG para substituír a strong <>Jesús Vázquez Abad, quen renunciou ao seu cargo para abandonar a política.
A elección, que se realizou por votación en urna, foi por 41 votos a favor, do PPdeG, e 31 en branco dos grupos da oposición, BNG e PSDEG.
Natural de strong <>Portomarín, Serrano López é empresario relacionado co sector avícola e foi alcalde deste concello lucense desde o mes de maio de 2011 ata a pasada semana, cando presentou a súa dimisión á Alcaldía.