O Concello do Corgo iniciou os trámites para a ampliación do polígono industrial. Xa traballa nun proxecto sectorial que servirá de base a esa nova fase e, co obxectivo de analizar a demanda existente, insta aos interesados en adquirir parcelas a que llo comuniquen.
Así o indicou o rexedor corgués, o popular José Antonio Ferreiro, tras reunirse co director do Instituto Galego de Vivenda e Solo (IGVS), Heriberto García. En devandito encontro tamén participaron o delegado territorial da Xunta en Lugo, José Manuel Balseiro, e o primeiro tenente de alcalde, Felipe Labrada.
Acordaron que Xunta e Concello estudarán a demanda existente tendo en conta que a fase executada no actual polígono xa está toda vendida. Ademais, efectuarán un seguimento daquelas parcelas non edificadas.
Ferreiro emprazou a todas as empresas e particulares que teñan interese en facerse con chan industrial a que se dirixan ao Concello co obxectivo de formalizar a súa demanda.
Destacou que tanto o ente autonómico Xestur como o propio Concello dispoñen de terreos que poden usarse para esta ampliación.
Na actualidade, o parque empresarial corgués ten unha superficie de 144.000 metros cadrados distribuída en 36 parcelas, cunha superficie urbanizada de 92.284.
