O Ministerio de Transportes, Mobilidade e Axenda Urbana, a través do Programa de Rehabilitación do Patrimonio Histórico, iniciou dúas actuacións de mellora na ruta francesa do Camiño de Santiago. Céntranse na rehabilitación e posta en valor do ponte de Furelos, en Melide, e do interior do pazo do Xeneral García de Paredes, en Portomarín.
As obras, financiadas polo ministerio, contan cun orzamento global de máis de 415.000 euros, e enmárcanse na adecuación de tramos do Camiño para mellorar a contorna urbana ao seu paso por poboacións.
No caso do pazo, tamén coñecido Casa do Conde da Maza —do século XVI— e situado no centro urbano de Portomarín, acometeranse traballos para contribuír á súa habilitación como centro sociocultural. Así, redistribuiranse os espazos interiores, instalaranse un ascensor, ramplas, vestiarios e aseos adaptados, renovaranse a instalación eléctrica, o sistema de calefacción e a fontanería.
Na ponte medieval de Furelos, os traballos permitirán reparar problemas non estruturais, acometerase a limpeza e repavimentación da superficie e crearase un miradoiro na parte sur do río.