O alcalde de Friol, José Ángel Santos, informou de que o seu municipio será "o primeiro da provincia" en bonificar o "95 % da licenza de obra" a todas aquelas empresas que decidan instalarse no centro urbano da capital municipal, situado a poucos quilómetros de Lugo.
En declaracións aos medios de comunicación, explicou que o goberno local tomou a decisión de aplicar "a máxima bonificación que permite a lei" para atraer novas empresas ao municipio. Esa medida estará en vigor a partir do 1 de xaneiro e durante todo o 2020, a modo de proba, porque se realmente "dá resultado", o goberno local ten a intención de estendela no tempo.
Santos espera que esta decisión actúe "como efecto chamada", porque a súa intención é chamar a atención de todas aquelas empresas ás que lles dá igual", polo seu tipo de actividade, "asentarse nun municipio ou noutro".
