Unha brutal colisión rexistrada este luns pola mañá na autovía A-6, ao seu paso polo municipio lucense de Outeiro de Rei, saldouse unicamente con dúas persoas feridas de carácter leve.
O accidente rexistrouse ao redor das nove da mañá no quilómetro 503 da A-6, sentido A Coruña, e nel víronse implicados tres vehículos: un camión e dúas furgonetas.
Un dos furgóns quedou totalmente esnaquizado e o sinistro obrigou a cortar temporalmente a autovía ao tráfico. Ata o lugar da colisión desprazáronse varias patrullas do subsector de Tráfico da Garda Civil de Lugo, así como unha ambulancia do 061. Os dous feridos son os ocupantes das furgonetas.