Unha muller tivo que ser auxiliada este mércores pola tarde no Corgo tras esvarar e levar un golpe cando empuxaba o seu coche para sacalo do prado no que se atopaba. O incidente produciuse sobre as sete da tarde no viario que vai desde O Corgo a Campelo, no lugar de Bergazo.
Tras unha manobra para dar a volta, o coche no que ía a lesionada co seu fillo alcanzou unha zona húmida e empezou a patinar. Ambos se baixaron do vehículo para tratar de sacalo de novo á calzada e foi entón cando a muller escorregou e, ao caerse, sufriu un golpe na cabeza.
Tras recibir o aviso do contratempo —nun primeiro momento críase que se trataba dun atropelo—, a central galega de urxencias do 112 alertou a axentes do subsector de Tráfico de Lugo e mobilizou á zona a persoal de Urxencias Médicas, que atendeu á muller das súas feridas, en principio de carácter leve.
