domingo. 25.08.2019 |
El tiempo
domingo. 25.08.2019
El tiempo

O Corgo envórcase na homenaxe a Darío Díaz e Domingo Fontán

Os veciños do Corgo descobren a placa da rúa dedicada ao cartógrafo Domingo Fontán. XESÚS Ponche
Os veciños do Corgo descobren a placa da rúa dedicada ao cartógrafo Domingo Fontán. XESÚS Ponche

Os seus familiares agradeceron que se recorde con sendas cales ao exalcalde e ao geógrafo

Numerosos veciños sumáronse este sábado n Corgo ao acto polo que sendas cales da capital municipal pasaron a levar o nome do exalcalde Darío Díaz Castroverde e do histórico geógrafo Domingo Fontán. Esta homenaxe póstuma a un "bo veciño e bo alcalde" e ao creador do primeiro mapa científico de Galicia na primeira metade do século XIX, que situou un dos seus vértices en Gomeán, contou coa presenza de familiares de ambos, que agradeceron ese recoñecemento.

A rúa que desde o sábado loce unha placa co nome de Darío Díaz discorre en paralelo á N-VI e aínda que agora loce diferente, tras varias melloras, creouse por iniciativa do exregidor. Foi alcalde de 1972 a 1995, ano no que faleceu en accidente de tráfico xusto nesa vía, tal e como recorda desde hai tempo un monólito. Tras a súa morte, tomou a substitución José Antonio Ferreiro, que deixará o posto en breve, cando se conforme a nova corporación, ao non presentarse á reelección.

Foi precisamente Ferreiro, que traballou co homenaxeado durante 16 anos, quen recordou a figura de Darío Díaz, "un bo veciño e un bo alcalde". Destacou iniciativas desa época como a creación do grupo escolar, do primeiro centro de saúde e do pavillón, a potenciación da feira de Adai ou a apertura de moitos viarios. "Foi un gran mestre. É un orgullo dedicarlle ou meu último acto público como alcalde", concluíu.

No caso de Fontán, ao que se lle dedicou un tramo da N-VI (da cámara agraria á gasolineira), recordouse a súa chegada ao concello en setembro de 1828 e as súas semanas aloxado na pensión Penela, en Gomeán, unha zona onde situou unha base do seu famoso mapa. Esta homenaxe responde a unha proposta plenaria do BNG apoiada por toda a corporación.

O Corgo envórcase na homenaxe a Darío Díaz e Domingo Fontán
Comentarios