Sanidade notificou este mércores o falecemento de catro persoas diagnosticadas de covid-19 en Galicia, unha delas en Lugo. Trátase dunha muller de 88 anos que era usuaria da residencia San Salvador de Guntín. Con ela, desde o inicio da pandemia faleceron na provincia de Lugo 142 persoas co virus, aínda que Sanidade só computa 141 ao non incluír o falecemento doutro usuario da residencia de Guntín que morreu en Santiago
Con estes catro decesos, Galicia suma 1.327 vítimas desde o inicio da pandemia. Os outros tres correspóndense cunha muller de 89 anos no Chuac da Coruña, outra muller de 74 nese mesmo hospital e un home de 80 anos na residencia Vila do Conde, en Gondomar. O Sergas indicou que todos eles presentaban patoloxías previas.
REPUNTE DE CONTAXIOS. Os casos de coronavirus na provincia de Lugo seguen descendendo, aínda que houbo un forte repunte no número de novos contagios.
Segundo os datos ofrecidos polo Sergas, neste momento hai 462 casos activos, oito menos que o martes, pero se detectaron por PCR nas últimas 24 horas 34 novos positivos, polos dez que se detectaron a xornada anterior.
