Álvaro Riazor, o avó do Corgo, faleceu aos 103 anos de idade e será enterrado este martes no cemiterio de Gomeán, a súa localidade natal. As honras fúnebres están previstas para as 17.00 horas.
Riazor, que celebrou o seu aniversario o pasado 21 de decembro, tivo complicacións de saúde no último mes, que deterioraron a súa saúde e provocaron o seu falecemento.
Riazor vivía na súa casa de Matafaxín en Gomeán, O Corgo, coa familia do seu fillo Álvaro, e á beira da casa onde naceu. Residiu toda a vida neste lugar, salvo durante a Guerra Civil, cando estivo en Lleida, aínda que se librou de ir á fronte. Sempre foi un home que gozou dunha gran vitalidade e conduciu ata os 95 anos.
O falecido estaba viúvo e tivo catro fillos, dos que viven tres.