Unha persoa resultou ferida logo de saírse da vía o vehículo no que circulaba pola estrada N-540, ao seu paso polo concello de Guntín.
Foi un particular quen, pasadas as 16.30 horas, daba aviso ao 112 Galicia deste sinistro no que, segundo sinalaba, había unha persoa atrapada.
Deseguido, os xestores do 112 Galicia informaron os feitos aos servizos sanitarios, aos Bombeiros de Chantada, ao GES de Monterroso e á Garda Civil de Tráfico.
Cando o persoal sanitario chegou ao momento comunicaron que o coche caera por un desnivel e era complicado chegar ata el. Así pois, unha vez que os equipos de urxencias deron accedido ata o vehículo accidentado, confirmaron ao Centro Integrado de Atención ás Emerxencias (CIAE 112 Galicia) que caera por un barranco duns 5 metros e que o coche se atopaba en posición lateral, polo que tiveron que abrir o teito para excarcerar á persoa atrapada que, posteriormente, tivo que ser trasladada ao centro hospitalario de referencia. Outro ocupante do vehículo xa atopábase fose e había resultado ileso.
Para rematar, para restablecer e garantir as condicións de seguridade da vía, desde o 112 Galicia tamén se deu aviso ao Centro de Xestión de Tráfico e ao servizo de mantemento de estradas.
