Un traballador foi evacuado este luns pola mañá logo de resultar ferido ao recibir un golpe coa maquinaria que empregaba no municipio de Portomarín.
Segundo relatou o 112 Galicia, este operario foi trasladado en helicóptero medicalizado ao Hospital Universitario Lucus Augusti (Hula) de Lugo tras resultar ferido ao recibir un golpe coa máquina coa que traballaba.
O 112 Galicia tivo coñecemento deste accidente laboral sobre as 11.30 horas deste luns a través do aviso dos servizos sanitarios, que informaron de que ían enviar o helicóptero medicalizado con base en Ourense á parroquia de San Mamede do Río, en Portomarín.
Nese momento, por parte do Centro Integrado de Atención ás Emerxencias de Galicia deuse aviso á Garda Civil e á Protección Civil de Portomarín. Finalmente, Urxencias Sanitarias confirmou o traslado do ferido en aeronave ao Hula.