A Garda Civil detivo este xoves dous veciños de Lugo, de 38 e 40 anos, que foron sorprendidos cando estaban a roubar gasóleo dun camión estacionado en Palas de Rei e, en plena fuxida, arroxaron polo portelo do vehículo no viaxaban dous garrafas de combustible. Segundo informou a Garda Civil, os feitos ocorreron o pasado mes de abril nas inmediacións do mercado gandeiro de Palas de Rei, cando ambos os individuos foron sorprendidos mentres roubaban gasóleo do depósito dun camión, tras "violentar o tapón" do mesmo.
Ao verse sorprendidos, escaparon do lugar a bordo dun vehículo e, na súa fuxida, arroxaron dúas garrafas de gasóleo polo portelo. Tras caer á calzada, as garrafas derramaron todo o seu contido en plena autovía Lugo-Santiago (A-54), ao seu paso polo termo municipal de Palas de Rei, o que puxo "en perigo aos demais usuarios da vía", explica a Garda Civil.
Ambos os detidos pasaron a disposición xudicial.
