A Garda Civil detivo tres veciños de Lugo, todos con numerosos antecedentes policiais, por delitos contra o patrimonio, como sospeitosos do roubo de 280 puntais de ferro, que sumaban un peso de dez toneladas. O furto foi perpetrado o pasado mes de setembro nunha leira no lugar de Monte Ferreira, no municipio de Castroverde, onde o propietario tiña apilados os puntais.
A investigación levou aos axentes da Garda Civil cara aos tres sospeitosos, despois de que estes vendesen o material roubado a unha chatarrería situada na provincia. Ademais de deter ás tres persoas relacionadas co roubo, que xa foron postas a disposición xudicial, a Garda Civil tamén localizou os puntais roubados.
