A Garda Civil detivo en Castroverde a un veciño de Ferrol de 26 anos e a outro de Lugo de 24 acusados dun delito de lesións, por agredir a outra persoa nas festas do Cádavo.
Os feitos tiveron lugar durante a madrugada do 12 de agosto cando, supostamente, agrediron a un terceiro, o cal foi trasladado ao Hula e, polas lesións que presentaba, foi "remitido de xeito urxente" ao Chuac para cirurxía maxilofacial.
