Un cinemómetro da Garda Civil de Tráfico detectou, ao redor das cinco da tarde do domingo, un vehículo que circulaba a unha velocidade de 159 quilómetros por hora nun tramo limitado a 70. A infracción produciuse á altura do punto quilométrico 5,8 da estrada LU-546 (Nadela-Monforte), no municipio do Corgo.
Unha patrulla do Subsector de Tráfico foi a encargada de deter o vehículo e identificar ao seu condutor, que pasou á calidade de investigado por un suposto delito contra a seguridade viaria.
As dilixencias foron derivadas ao xulgado de Instrución número 2 de Lugo, de garda este domingo, que será o encargado do caso.
