O Concello de Outeiro de Rei adquirirá a antiga casa do cura e outro inmoble encostado á mesma para rehabilitalos como futuro centro de día. A operación de compra, que inclúe tamén unha pequena parcela de terreo pertencente a ambas as vivendas, terá un custo de 80.000 euros.
A operación será posible grazas a un préstamo do Instituto Galego de Vivenda e Solo (IGVS), que o Concello poderá devolver nun prazo de dez anos a interese cero.
A conselleira de Medio Ambiente, Ángeles Vázquiez
José Pardo valorou este apoio e explicou que a adquisición da antiga casa do cura, así como a construción encostada, significará un primeiro paso para rehabilitar unha das zonas máis deterioradas do centro urbano.
En canto ao futuro centro de día, Pardo destacou que o anteproxecto da obra prevé que teña capacidade para algo máis de 60 prazas. Tamén sinalou que os 80.000 euros destinados para a adquisición dos inmobles, é "o primeiro paso" para poder ofrecer aos veciños este servizo.
O goberno local buscará a partir de agora o apoio tanto da Xunta como doutras entidades públicas para poder executar a obra de rehabilitación dos inmobles e habilitalos como centro de día, un proxecto cuxo custo cuantificou nuns 600.000 euros.
A través desta fórmula de préstamos, o IGVS xa leva mobilizados 4,98 millóns de euros para 18 proxectos en toda Galicia.
