Un accidente de tráfico na N-6 saldouse este venres cunha persoa ferida de carácter leve. O sinistro tivo lugar ás 14.35 horas no quilómetro 515,400 da estrada Nacional-6, que une Madrid e A Coruña, ao seu paso polo municipio de Rábade. Tratouse dunha colisión fronto-lateral.
Dous turismos chocaron e un dos condutores saíu ileso, pero o outro sufriu danos catalogados polos servizos de urxencia como leves.
PEDRAFITA. Pouco despois, ás 16.20 horas, producíase outro accidente noutro municipio lucense, Pedrafita do Cebreiro. Neste caso, o vehículo saíuse da vía pola marxe dereita no quilómetro 13,900 da LU-633, a estrada que une dita localidade e Palas de Rei. Este suceso saldouse tamén cun ferido leve e un ileso.
