A pandemia xera incerteza nos cidadáns, o que fai que en moitos centros de traballo aplíquense medidas hixiénicas e de desinfección para protexer do coronavirus a usuarios e traballadores. A clínica dental Bazar, de Rábade, apostou por un dos métodos máis innovadores para crear un ambiente seguro nos seus gabinetes de consulta. Os seus propietarios adquiriron unha máquina de purificación do aire mediante oxidación fotocatalítica, que elimina as bacterias patógenas, virus e fungos. Este sistema, deseñado cos últimos avances en nanotecnoloxía aplicada, é utilizado en quirófanos e outros departamentos de hospitais e tamén en servizos de sanidade animal.
"O noso obxectivo é ofrecerlle a máxima seguridade ao paciente, que se ve obrigado a quitarse a máscara para o tratamento dental", explica David Ruiz, xerente da clínica. Aos equipos de protección individual e desinfectantes, únese este aparello denominado Biokker, patentado pola distribuidora Lodepa co obxectivo de destruír "os compostos orgánicos volátiles e os microbios aerotransportados prexudiciais", recalca Ruiz.
Unha das vantaxes desta máquina, que ocupa pouco espazo e se pode encostar a unha parede, e a súa instalación rápida é sinxela. Ademais, ten capacidade de funcionar de forma continuada as 24 horas, "xa que non emite ningún residual. Non filtra partículas, senón que destrúe directamente os patógenos. É autolimpable e non son necesarios baleirados", agrega David Ruiz.
Os responsables da clínica dental Bazar escolleron este sistema logo de estudar outras alternativas pola súa avanzada tecnoloxía e porque garante un aire totalmente limpo. É unha solución económica para resolver a contaminación ambiental de espazos sanitarios con capacidade para eliminar axentes infecciosos como o coronavirus, "o que redunda na comodidade de traballadores e clientes. Todos podemos estar máis tranquilos no interior da clínica", manifesta o xerente deste consultorio odontológxico rabadense.
