A CIG presentou unha denuncia ante a Garda Civil, como paso previo á interposición dunha querela contra a empresa Tegestacín, ao retomar esta a "súa fraude co desmantelamento dás instalacións" da planta de Outeiro de Rei.
Tanto a central nacionalista como o persoal afectado polos falta de pagamentos dos salarios e indemnizacións pendentes tras o peche da fábrica consideran que existen evidencias suficientes para interpor unha querela criminal por insolvencia punible contra os actuais administradores desta empresa. Por esta razón presentouse unha denuncia no posto da Garda Civil ante a actuación de persoal "alleo á empresa nas instalacións para o seu desmantelamento, no que está a supoñer unha clara operación en 'B' desta empresa", indican desde a CIG.
Este sindicato xa denunciou en abril o inicio do despezamento das instalacións, o que tivo como consecuencia a paralización da mesma, "ao que se sumou o interese dun posible comprador", apunta o portavoz sindical Christian López Carmona. Na actualidade, segundo expica a CIG, "lonxe de avanzar no procedemento concursal, a empresa ven de retomar esta semana a desmontaxe de maquiniaria nas instalacións coa idea da venda completa a firmar de chatarra e sen garantías de repercutir os importes das operacións sobre as débedas actuais".
Carmona pide que, con independencia da querela que van presentar, a fiscalía adopte medidas ante "a situación de impunidade e descaro coa que actúan as persoas con responsabilidade neste armazón de empresas co fin de dar garantías para os acredores e o persoal despedido".
A factoría de Tegestacín no municipio lugués permanece sen actividade desde principios deste ano, cando fracasou a negociación dun Ere.
