Unha colisión entre un turismo e unha bicicleta en Portomarín saldouse co ciclista ferido, aínda que en principio de carácter leve. O accidente tivo lugar ao redor das 12.45 horas deste sábado, á altura do punto quilométrico 80,900 da estrada LU-633, de Pedrafita do Cebreiro a Palas de Rei.
Unha patrulla do Subsector de Tráfico da Garda Civil desprazouse ata o lugar para prestar asistencia.
